Shirika la Afya Duniani limeonya kuwa pamoja na mafanikio ya kuidhinisha dawa mpya ya malaria kwa watoto wachanga, dunia bado inahitaji uwekezaji mkubwa zaidi ili kuutokomeza ugonjwa huo.
WHO imesema maendeleo dhidi ya malaria yanakwamishwa na kuongezeka kwa usugu wa dawa, usugu wa viuatilifu vya mbu, changamoto za uchunguzi pamoja na kupungua kwa ufadhili wa kimataifa.
Kwa mujibu wa takwimu za mwaka 2024, kulikuwa na visa milioni 282 vya malaria duniani na vifo 610,000 vilivyoripotiwa katika nchi 80.
Watoto walio chini ya miaka mitano wanachangia robo tatu ya vifo hivyo, huku Afrika ikiendelea kuwa kitovu kikuu cha ugonjwa huo.
WHO imesisitiza kuwa dawa mpya ni hatua kubwa mbele, lakini haitatosha bila dhamira ya kisiasa, fedha endelevu na mifumo madhubuti ya afya katika nchi zinazoathirika zaidi.
CHANZO: Newstimetr
