Shugaban Amurka Donald Trump ya ce ya ba da umarni ga rundunar sojin ƙasar ta shirya domin ƙaddamar da hare-haren kan Iran idan gwamnatin Iran ta ƙaddamar da ko kuma ta yi ƙoƙarin kashe shugaban ƙasar.
“An ɗana makamai masu linzami 1000 inda suke kallon Jamhuriyar Musulunci ta Iran, kuma ƙarin dubbai za su iya biyo baya nan-take idan gwamnatin Iran ta aiwatar barazanarta, wadda ta furta a sassan duniya da yawa, ta kashe ko kuma ta yi ƙoƙarin kashe shugaban Amurka mai mulki, a wannan karon, NI!,” kamar yadda ya bayyana a wani saƙo a shafin Truth Social.
“An riga an ba da umarni, kuma sojin Amurka tana shirye, kuma tana da niyya da iko na tsawon shekara ɗaya, wanda za a iya tsawaitawa, ta hallaka da kuma lalata gaba ɗaya dukkan ƙasar Iran.”
Kalaman na Trump za su iya sake tayar da hankali a Gabas Ta Tsakiya.
An kwashe kwanaki Amurka tana kai hare-haren kan Iran yayin da Iran take mayar da martani tare da hare-hare kan kayayyakin Iran a faɗin Gabas Ta Tsakiya .
Daga farko Trump ya ayyana cewa yarjejeniyar tsagaita wuta da Iran ta “rushe,” amma Washington ta yarda ta ci gaba da tattaunawar da Tehran ta nemi a yi.
Kwanan nan Isra’ila ta ba da “bayanan sirri” ga Amurka da ke nuna cewa Iran ta kitsa wani sabon shiri na kashe Trump, in ji wani rahoto na jaridar Wall Street Journal.
