Wata girgizar ƙasa ma mai ƙarfin maki 5.0 ta afka wa lardin gabashin Turkiyya na Malatya a cikin sanyin safiyar ranar Asabar, in ji hukumar ba da again gaggawa ta Turkiyya (AFAD).
Girgizar ƙasar ta auku ne da misalin ƙarfe 6.20 na safiya na yankin (ƙarfe 03:20 agogon GMT), inda cibiyarta ta kasance a gundumar Battalgazi a wani wuri mai zurfin kilomita 15.59 (mil 9.69 ), in ji AFAD .
An ji motsin ƙasa a larduna masu maƙwabtaka da suka haɗa da Elazig da Adiyaman da Tunceli da kuma Sanliurfa.
AFAD ta ce babu wani rahoto na lalata abubuwa ko kuma mace-mace nan-take biyo bayan girgizar ƙasar.
Murat Kurum, ministan muhalli da girman birane da sauyin yanayi, shi ma ya bayanna a shafin sada zumuntan Turkiyya NSosyal cewa: “Biyo bayan girgizar ƙasar da aka yi a Battalgazi, ba a samu wani abu mai muni ba kawo yanzu, amma muna nazari kan dukkan rahotanni .”
