Shugaban kasar Turkiyya, Recep Tayyip Erdogan, da takwaransa na Nijar, Abdourahamane Tchiani, sun tattauna ta wayar tarho kan dangantakar kasashen biyu da kuma batutuwan da suka shafi yankin.
Hukumar Sadarwa ta Fadar Shugaban Kasar Turkiyya ce ta bayyana hakan.
A yayin tattaunawar da suka yi a ranar Litinin, Erdogan ya ce za a ci gaba da kokari da kuma daukar matakan karfafa dangantakar kasashen biyu a fannoni daban-daban, kamar yadda hukumar ta bayyana a cikin wata sanarwa da ta wallafa a dandalin sada zumunta na NSosyal.
Haka kuma, Erdogan ya sake tabbatar da goyon bayan Turkiyya ga cikakken ikon Nijar kan yankunanta da tsaron kasar, yana mai bayyana shirye-shiryen Ankara na bayar da dukkan taimakon da ya dace domin samar da hanyoyin tattaunawa da karfafa hadin gwiwar yankin.
Bugu da kari, Erdogan ya mika sakon ta’aziyyarsa ga Tchiani da al’ummar Nijar bisa rasuwar mahaifin shugaban kasar a makon da ya wuce.
