Serikali ya Uturuki imesema itaendelea kuimarisha uhusiano wake wa kimkakati na Umoja wa Ulaya licha ya mkwamo unaoendelea katika mchakato wa kujiunga na umoja huo.
Waziri wa Mambo ya Nje Hakan Fidan amesema Ankara ipo tayari kuongeza ushirikiano katika biashara, usalama na diplomasia, hata kama mazungumzo ya uanachama bado hayajaonyesha mafanikio.
Alibainisha kuwa biashara kati ya Uturuki na EU kwa sasa imefikia karibu dola bilioni 250, huku akisema kiwango hicho kinaweza kuongezeka hadi dola bilioni 500 iwapo makubaliano ya forodha yatahuishwa.
Kauli hiyo inaashiria kuwa Uturuki sasa inalenga kuimarisha ushirikiano wa kivitendo na Ulaya huku ikiendelea kusubiri mabadiliko ya kisiasa ndani ya EU kuhusu suala la uanachama.
CHANZO: Newstimetr
