Rais wa Uturuki Recep Tayyip Erdogan amesema serikali yake inalenga kuwaingiza vijana milioni 3 katika ajira ndani ya miaka mitatu ijayo kama sehemu ya mkakati wa kukabiliana na mapinduzi ya teknolojia duniani.
Hatua hiyo inakuja kufuatia maonyo yake kuhusu mabadiliko makubwa ya soko la ajira yanayosababishwa na akili bandia, roboti na mifumo ya uzalishaji wa kisasa.
Erdogan alisema mpango huo ni sehemu ya dira ya “Karne ya Türkiye” inayolenga kuimarisha rasilimali watu na ushindani wa taifa katika uchumi wa dunia.
Aidha, alisema elimu ya ufundi nchini humo imeboreshwa ili iendane moja kwa moja na mahitaji ya sekta ya viwanda na biashara.
Pia alieleza kuwa kiwango cha ajira zisizo rasmi nchini Uturuki kimeshuka kutoka zaidi ya asilimia 52 mwanzoni mwa miaka ya 2000 hadi asilimia 24 mwaka 2025.
CHANZO: Newstimetr
