Kampuni ya Terra Industries imeendelea kupanua shughuli zake barani Afrika baada ya kupata uwekezaji wa dola milioni 34 kutoka kwa wawekezaji wa kimataifa, ikiwemo Lux Capital na 8VC.
Kampuni hiyo pia imesaini makubaliano ya ushirikiano na Shirika la Viwanda vya Ulinzi la Nigeria (DICON) ili kuimarisha uzalishaji wa vifaa vya kijeshi ndani ya nchi.
Aidha, Terra Industries inapanga kujenga kiwanda cha kutengeneza ndege zisizo na rubani nchini Ghana, ambacho kinatarajiwa kuanza kazi mwezi Juni.
Kwa sasa, kampuni hiyo inasema teknolojia zake tayari zinalinda miundombinu yenye thamani ya takribani dola bilioni 11 barani Afrika, ikiweka msingi wa kuwa mchezaji mkubwa katika sekta ya ulinzi na usalama wa kidijitali.
CHANZO: Newstimetr
