Kufuatia ajali mbaya iliyosababisha vifo vya watu watatu jijini Dodoma, Jeshi la Polisi limetoa wito kwa madereva na watumiaji wa barabara kuzingatia sheria za usalama barabarani ili kuzuia ajali zinazoweza kuepukika.
Kamanda wa Polisi Mkoa wa Dodoma, Gelasius Hyera, amesema ajali nyingi hutokea nyakati za usiku na alfajiri kutokana na uzembe, mwendo kasi na kutokuchukua tahadhari za kutosha.
Amesema tukio hilo linapaswa kuwa funzo kwa madereva wote kuhusu umuhimu wa kufuata sheria za usalama barabarani wakati wote.
Mamlaka zimeahidi kuendelea kutoa elimu na kusimamia utekelezaji wa sheria ili kupunguza ajali nchini.
CHANZO: Newstimetr
