Shambulizi la droni lililenga uwanja wa ndege wa mji mkuu wa Sudan siku ya Jumatatu, chanzo cha kijeshi kilisema, siku mbili baada ya mashambulizi ya wapiganaji hao mjini Khartoum kuua watu watano..
“Ulinzi wetu wa angani umefanikiwa kuangusha droni ambazo zilikuwa zinalenga uwanja wa ndege wa Khartoum,” chanzo hicho kiliiambia AFP.
Walioshuhudia walieleza kusikia sauti za milipuko na kuona moshi katika eneo la Safa mashariki mwa uwanja wa ndege.
Siku ya Jumamosi, droni za RSF ziliwaua raia watano ziliposhambulia gari katika mji wa Khartoum.
Vita nchini Sudan, kati ya jeshi na wapiganaji wa Rapid Support Forces (RSF), vimesababisha vifo vya maelfu ya watu na mamilioni kuondoka katika makazi yao tangu vilipoanza Aprili 2023.
