Jamhuri ya Kidemokrasia ya Congo imethibitisha kuwa maambukizi ya Ebola yameongezeka zaidi ya 4,000 kwa mara ya kwanza tangu mlipuko huu wa sasa, data za serikali zilionesha.
Ugonjwa huo, umeelezwa kusambaa kwa haraka.
Wataalamu wanaamini huenda maambukizi yalianza kusambaa miezi kadhaa kabla ya mlipuko kutangazwa Mei 15 na idadi ya maambukizi huenda ikawa juu zaidi kuliko ilivyotangazwa rasmi.
Taasisi ya afya ya nchi hiyo ya Afrika ya Kati ilisema katika ripoti yake ya hivi karibuni kuwa idadi ya maambukizi imefika 4,053, ikiwemo vifo 1,850.
Maambukizi kote
Maambukizi yamepatikana katika mikoa mitano ya nchi hiyo:
Ituri, Kivu Kaskazini, Kivu Kusini, Haut-Uele na Tshopo.
Kuchelewa kubaini, kuzidiwa katika uchunguzi, mapigano ya kijeshi, na ukosefu wa chanjo na matibabu ya virusi mahsusi kumefanya iwe vigumu kukabiliana na maambukizi ya ugonjwa huo.
Kufikia sasa maambukizi ya Afrika Magharibi ya 2014-16 ndiyo makubwa zaidi, kukiwa na maambukizi zaidi ya 28,000 yaliyorekodiwa kote Guinea, Liberia na Sierra Leone.
