Mvutano unaoendelea kati ya Marekani na Iran umeibua mjadala mpana kuhusu silaha za nyuklia na matumizi yake katika historia ya dunia.
Iran imekanusha madai ya kutaka kutengeneza silaha za nyuklia, huku Umoja wa Mataifa ukisema kabla ya vita hakukuwa na ushahidi wa karibu wa utengenezaji wa bomu la atomiki.
Hata hivyo, kumbukumbu za kihistoria zinaonyesha kuwa Marekani ndiyo nchi pekee iliyowahi kutumia silaha za nyuklia vitani, wakati wa Vita vya Pili vya Dunia, iliposhambulia miji ya Hiroshima na Nagasaki nchini Japan.
Mashambulizi hayo yalisababisha vifo vya takribani watu 214,000 na kuacha athari kubwa katika historia ya binadamu.
Kwa sasa, mjadala unaendelea kuhusu udhibiti wa silaha za nyuklia na hatari zake kwa usalama wa dunia, huku mataifa yakihimizwa kuchagua njia za kidiplomasia badala ya migogoro ya kijeshi.
CHANZO: Newstimetr
