Hare-haren sama da Israel ta kai a kudanci da gabashin Lebanon sun kashe aƙalla mutum 11, ciki har da yara biyu da mata biyu, a cewar ma’aikatar lafiya ta ƙasar.
Hare-hare daban-daban sun auka a garuruwan Tyre, Ansariyeh da Jbaa, inda aka kashe fararen hula da dama tare da jikkata wasu. Wani harin kuma ya kashe mutum guda a Hebbariyeh bayan an kai hari gidansa.
Rahotanni sun ce an kuma kai hare-hare a yankuna da dama ciki har da Nabatieh, Bint Jbeil da Bekaa, inda aka lalata gidaje da kayayyakin more rayuwa, tare da katse wutar lantarki a wasu wurare.
An kuma samu fafatawa mai tsanani tsakanin Hezbollah da dakarun Isra’ila a Bint Jbeil, yayin da jiragen yaƙi ke taimakawa a hare-haren.
Isra’ila ta umarci mazauna yankunan kudancin kogin Zahrani da su ƙaura zuwa arewa, yayin da hare-hare ke ƙaruwa.
Tun daga watan Maris, hare-haren Isra’ila sun kashe sama da mutum 2,100 tare da tilasta wa fiye da miliyan ɗaya barin muhallansu, duk da kira na duniya da ake yi na tsagaita wuta.
Tushen labari: Newstimehub
