Afisa wa Iran alisema kuwa nchi yake ndiyo itaamua lini vita vitaisha na itaendelea kukabiliana, akiahidi kuendelea kutoa “mapigo mazito” hadi masharti yake yatakapotekelezwa.
Iran imekataa pendekezo la Marekani la kumaliza vita vinavyoendelea, ikisisitiza kuwa suluhisho lolote litategemea kikamilifu masharti na muda wake yenyewe, kulingana na afisa mwandamizi wa kisiasa na usalama.
Afisa wa Iran, akizungumza na Press TV, alisema Iran haitamruhusu Rais wa Marekani, Donald Trump, kuamua mwelekeo wa matukio, akisisitiza kwamba “operesheni za kujihami” zitaendelea hadi masharti yake yatakapotekelezwa.
“Iran itamaliza vita pale itakapoamua kufanya hivyo na pale masharti yake yatakapotekelezwa,” alisema afisa huyo, akiongeza kuwa Tehran iko tayari kuendelea kukabiliana na kutoa “mapigo mazito” hadi malengo yake yatakapofikiwa.
Iraam imeainisha masharti matano muhimu kwa ajili ya kukubali kusitisha mapigano. Haya yanajumuisha kusitishwa kabisa kwa kile inachokiita uchokozi na mauaji ya kulenga watu maalum, kuwekwa kwa dhamana za kuzuia vita kuanza tena, pamoja na malipo ya uaribifu na fidia.
Chanzo: Newstimetr
