Matar Shugaban ƙasar Turkiyya Emine Erdogan ta yi kira ga ƙasashen duniya da su lalubo hanyoyi da dama waɗanda za su inganta rayuwar al’ummomin gaba, ta buƙaci a haɗin kai a tsakanin iyalai da makarantu da kuma al’umma.
A wani sakon bidiyo da ta gabatar wa taron “Shugabannin Mata karo 6” da aka gudanar a ƙasar Burundi, ƙarƙashin jagorancin Angeline Ndayishimiye Matar Shugaban Burundi Evariste Ndayishimiye, Erdogan ta bayyana cewa zamanin nan na tafe da tarin matasa da aka taba samu a tarihi, inda ake da kusan yara biliyan 2 da kuma matasa masu shekaru 10 zuwa 19.
Ta ƙara da cewa idan aka ba su damarmaki da ilimi, da kuma yanayin rayuwa mai aminci za su taimaka wa makomarsu har da al’ummomin gaba.
“Alal misali, gina makarantu kaɗai ba zai wadatar ba wajen samun ilimin yara ba, akwai buƙatar kawar da mastalolin da suka shafi muhalli da rikice-rikice da rashin daidaito na tattalin arziki.’’ a cewar Emine Erdogan.
“Kazalika, gina ingantacciyar al’umma bai tsaya ga iya kawo ƙarshen yunwa ba, akwai buƙatar tallafawa tsaftaccen ayyukan noma da kuma canza yanayin cimaka na wannan zamani,’’ in ji ta.
Matar shugaban Turkiyya ta yi gargaɗin cewa tsananin rashin daidaito a duniya ya haifar da kalubale masu yawa inda wasu yara ke da damarmaki marasa iyaka, yayin da wasu kuma ake hana su haƙƙoƙin da ya kamata su samu.
“A wani sassan duniya, yawan lokutan da yara ke batawa wajen kallace-kallace a kowace rana na da ban tsoro.
“Yawan sabo da bibiyar kafafen sa da zumunta da manhajojin bidiyo gem na matukar cutar da ci gabansu, a wani ɓangaren duniyar kuma, fiye da yara biliyan ɗaya da suka isa zuwa makaranta ba su da damar samun intanet don biyan buƙatu na karatunsu,’’ in ji ta.
Ta ƙara da cewa ci gaban fasahar zamani ba tare da tsari ba tana haifar da manyan haɗurra kamar cin zarafi ta intanet da kuma ayyukan zamba, tana mai gargaɗin cewa: “akwai ci gaba sosai ta fasaha.
Emine Erdogan ta yi imanin cewa taron zai buɗe sabbin hanyoyi ga al’ummoni, sannan ta mika godiyarta ga Angeline Ndayishimiye, matar shugaban ƙasar Burundi, saboda jagoranci da ƙoƙarinta a madadin yara.
Kazalika a nata ɓangaren, Angeline Ndayishimiye ta miƙa godiyarta ga Emine Erdoğan saboda saƙon bidiyon da isar.
