Mozambique ta kammala biyan bashinta ga Asusun Lamuni na Duniya (IMF), inda ta biya sama da dala miliyan 630 kafin lokacin da aka tsara. A ‘yan makonnin da suka gabata, kasar har yanzu na da sauran bashi, amma zuwa karshen watan Maris, an tabbatar da cewa bashin ya zama sifili.
Wannan ya sa Mozambique ta zama kasa daya tilo a wannan lokacin da ta iya biya dukkan bashin IMF gaba ɗaya, lamarin da zai iya kara mata kima a idon masu bada lamuni na kasa da kasa. Wannan mataki yana nuna cewa kasar na kokarin gyara harkokin tattalin arzikinta da kuma kara amincewa da ita a kasuwannin duniya.
Biyan bashin da wuri kuma yana ba Mozambique damar shiga sabbin tattaunawa domin samun karin tallafin kudi daga IMF. Tuni dai ana tattaunawa kan yiwuwar sabon shiri da zai taimaka wajen bunkasa tattalin arziki da karfafa hadin gwiwa tsakanin bangarorin biyu.
Majiyar Labari: NEWSTIMEHUB
