Mahakama imempata na hatia rais wa Fédération Congolaise de Football Jean-Guy Blaise Mayolas kwa kutumia vibaya fedha za FIFA zilizokusudiwa maendeleo ya soka.
Rais wa Shirikisho la Soka nchini Congo, Jean-Guy Blaise Mayolas, amehukumiwa kifungo cha maisha baada ya kupatikana na hatia ya kuhusika katika utakatishaji wa fedha za FIFA zenye thamani ya dola milioni 1.3.
Mayolas alishtakiwa pamoja na mkewe na mtoto wake kwa madai ya kutumia vibaya ruzuku iliyotolewa kwa ajili ya kusaidia maendeleo ya soka wakati wa mlipuko wa ugonjwa wa COVID-19.
Kwa mujibu wa uchunguzi, fedha hizo zilipaswa kusaidia miradi ya soka nchini humo kama ujenzi wa viwanja na kukuza soka la wanawake.
Lakini wachunguzi waligundua kuwa sehemu kubwa ya fedha hizo ilitumika kwa matumizi ya binafsi badala ya miradi ya michezo.
CHANZO: Newstimetr
