Msafara wa mgombea wa urais wa upinzani nchini Nigeria Peter Obi umeshambuliwa katika jimbo la kusini la Cross River, huku polisi wakimkamata mshukiwa mmoja, mamlaka zilisema siku ya Alhamisi.
Tukio hilo lilitokea Jumatano muda mfupi baada ya msafara wa Obi kutembelea kasri la Obong wa Calabar, kiongozi wa kijadi wa mji huo, wakati wakielekea kwenye mkutano eneo hilo ulioandaliwa na chama cha Nigeria Democratic Congress.
Walioshambulia walikuwa na mapanga na marungu na walirusha magari kwenye magari, kuvunja vioo na kusababisha hofu miongoni mwa wanaomuunga mkono na wafanyabiashara eneo hilo, kulingana na polisi na vyombo vya habari.
Uongozi wa Polisi Jimbo la Cross River unasema imemkamata Victor Edet Yellow Duke, mwenye umri wa miaka 27 kuhusiana na tukio hilo. Uchunguzi unaendelea.
Mashambulizi ya kisiasa
Shambulizi hilo linafuata tukio kama hilo siku chache zilizopita kwa mtia nia wa urais wa chama cha African Action Congress Omoyele Sowore katika Jimbo la Ekiti.
Vyama vya kisiasa vinaimarisha maandalizi vikielekea katika uchaguzi mkuu mwaka 2027, huku Rais Bola Tinubu akigombea muhula wa pili kwa chama cha All Progressives Congress.
Uchaguzi wa Januari mwakani utaangazia zaidi masuala ya changamoto za usalama na mikakati ya kukuza uchumi.
