Ripoti ya Uwekezaji Tanzania ya mwaka 2025 imeonesha kuwa thamani ya mtaji wa uwekezaji katika sekta ya madini imefikia dola za Marekani bilioni 9.79 mwaka 2024, ikiongezeka kutoka dola bilioni 9.15 mwaka 2023.
Ongezeko hilo linatajwa kuwa matokeo ya moja kwa moja ya mageuzi ya kisera na mazingira bora ya uwekezaji yaliyoanzishwa na serikali katika miaka ya hivi karibuni.
Takwimu hizo zinakuja wakati Tanzania ikiendelea kusifiwa na mataifa jirani kwa mafanikio yake katika sekta hiyo, huku nchi nyingi zikieleza nia ya kujifunza kutoka kwa mfumo wa Tanzania.
Wachambuzi wa uchumi wanasema ukuaji huo wa uwekezaji unaweka msingi wa Tanzania kuwa moja ya vituo vikuu vya madini na uchakataji wa rasilimali Afrika katika miaka ijayo.
Serikali ya Tanzania imeeleza kuwa itaendelea kuimarisha sera zake ili kuongeza zaidi thamani ya madini kabla ya kusafirishwa nje ya nchi.
CHANZO: Newstimetr
