Baada ya kuthibitishwa kwa kifo chake cha ghafla, mashabiki na wadau wa soka wameanza kuuenzi urithi wa aliyekuwa mshambuliaji wa Nigeria Michael Eneramo, aliyefariki akiwa na umri wa miaka 40.
Eneramo alichezea Nigeria mara 10 baada ya kuchagua kuitumikia nchi yake badala ya Tunisia, ambako alikuwa ameijengea jina kubwa katika ngazi ya klabu. Alijulikana kwa jina la utani “The Tank” miongoni mwa mashabiki wa Espérance de Tunis kutokana na uwezo wake mkubwa wa kushambulia.
Mbali na mafanikio yake Tunisia, Eneramo pia aliwahi kucheza nchini Uturuki kwa vilabu kadhaa vikubwa ikiwemo Sivasspor, Beşiktaş na Başakşehir. Ameacha historia kama mmoja wa washambuliaji waliowahi kuiwakilisha Nigeria kwa heshima.
CHANZO: Newstimetr
