Rais Samia Suluhu Hassan amesema mtoto aliyeokotwa mjini Nzega atapata malezi na ulinzi katika familia yake.
Rais wa Tanzania Samia Suluhu Hassan amemkaribisha katika familia yake mtoto mchanga wa kike aliyetelekezwa mjini Nzega, mkoani Tabora.
Mtoto huyo aliyepewa jina la Grace Samia Suluhu alikabidhiwa kwa rais Machi 11, 2026 katika makazi ya Ikulu Chamwino, Dodoma.
Kwa mujibu wa Mkuu wa Wilaya ya Nzega, Naitapwaki Tukai, mtoto huyo aliokotwa Januari 17 katika eneo jirani na nyumba ya wageni ya Kasulu. Baada ya tukio hilo, mamlaka zilimpeleka hospitalini kwa uchunguzi na kuanza jitihada za kumtafuta mama yake bila mafanikio.
Rais Samia amesema atahakikisha mtoto huyo anapata malezi bora na huduma zote muhimu ili kukua katika mazingira yenye upendo na usalama.
CHANZO: Newstimetr
