Rais mkongwe wa Uganda Yoweri Museveni anaongoza katika matokeo ya awali ya Uchaguzi Mkuu yaliyotangazwa Ijumaa, wakati chama cha mpinzani wake mkuu, Bobi Wine, kilisema kiongozi wake amezuiliwa akiwa nyumbani kwako.
Museveni mwenye umri wa miaka 81 ameitawala Uganda tangu aingie madarakani mwaka 1986 na anatazamia ushindi madhubuti ili kujiimarisha kisiasa huku uvumi ukiongezeka kuhusu mrithi wake.
Matokeo yaliyotangazwa na Tume ya Uchaguzi katika Uchaguzi wa Alhamisi yameonyesha Museveni akiongoza kwa asilimia 76.25 ya kura kulingana na hesabu kutoka karibu nusu ya vituo vya kupigia kura.
Bobi Wine alifuatia kwa asilimia 19.85, huku kura zilizosalia zikigawanywa kati ya wagombea wengine sita.
Museveni amewaambia waandishi wa habari baada ya kupiga kura, kwamba anatarajia ushindi wa asilimia 80% ya kura “iwapo hakutakuwa na udanganyifu.”
Kwa upande wake, mwanamuziki nyota Bobi Wine ambae ni mpinzani mkuu wa Museveni katika kinyang’anyiro hicho, amedai kuwepo kwa udanganyifu wakati wa uchaguzi huo, ambao ulifanyika wakati mtandao umezimwa baada ya kampeni zilizokumbwa na vurugu.
Bobi Wine, ambaye jina lake halisi ni Robert Kyagulanyi, alitoa wito kwa wafuasi wake siku ya Alhamisi kuandamana, ingawa hadi sasa, hakuna dalili zozote za maandamano.
Chama chake cha National Unity Platform (NUP) kiliandika kwenye ukurasa wake wa X siku ya Alhamisi kwamba wanajeshi na polisi walikuwa wameizingira nyumba ya Wine katika mji mkuu wa Kampala,” na kumuweka chini ya kizuizi cha nyumbani.”
Msemaji wa polisi Kituuma Rusoke aliiambia Reuters kuwa hakuwa na habari kuhusu Wine kuwekwa chini ya ulinzi.
Vurugu za Uchaguzi
itakumbukwa kwamba, vikosi vya usalama vilimfungia Bobi Wine nyumbani kwake kwa siku kadhaa baada ya uchaguzi wa mwaka 2021, ambapo alipata 35% ya kura.
Mtu mmoja aliripotiwa kufariki wakati waandamanaji waliopokabiliana na vikosi vya usalama, huku mamia wakikamatwa.
Serikali ilisema walikuwa wakipambana na wahalifu.
