Msemaji wa jeshi, Sani Uba, alisema katika taarifa kuwa wanamgambo hao wametekeleza mashambulizi ya pamoja katika kambi za kijeshi katika majimbo ya Borno na Yobe mapema Alhamisi.
Aliongeza kuwa mchanganyiko wa mashambulizi ya ardhini na ya angani ya jeshi limewashinda nguvu wanamgambo waliotumia maeneo ya kaskazini mwa Cameroon na kijiji cha Katarko kilichopo jimbo la Yobe kuanzisha mashambulizi hayo.
Msemaji huyo alisema wanajeshi wa ardhini, wakisaidiwa na kikosi cha anga, bado wanawafuatilia wanamgambo zaidi ya 70 waliojeruhiwa wakati wa mashambulio hayo.”
Mwezi uliopita, wanamgambo wa Boko Haram waliua angalau watu 60 katika shambulizi la usiku lililofanyika katika kijiji cha Darul Jamal, kaskazini-mashariki mwa Nigeria.
Boko Haram, kundi la wanamgambo wenye misimamo mikali kutoka Nigeria, limechukua silaha mwaka 2009 kupinga mfumo wa elimu ya nchi za Magharibi.
Mgogoro huo wa miongo kadhaa umeenea hadi nchi jirani za kaskazini mwa Nigeria, kama vile Niger, na kusababisha vifo vya raia takriban 35,000 na kuhamishwa kwa zaidi ya watu milioni 2, kulingana na Umoja wa Mataifa.
